நான் இரசித்த பாடல் (5)....

படம்: கௌரவர்கள்

பாடல் : ஆகா சொக்க வச்சான்...

இசை : திரு. தினா

வரிகளுக்கு சொந்தக்காரர்: கவிஞர். இளைய கம்பன்

"ஆகா சொக்க வச்சான் 
அழகா சிக்க வச்சான்
ஆசை மச்சான் கண்ணடிச்சான் 
ஐசு வச்சு கைய புடிச்சான்" 

என்ற ஆரம்ப வரியை அம்புபோல் கேட்போரின் நெஞ்சத்தில் இப்பாடல் பதிய வேண்டும் என்று வார்த்தைகளை மிக கவனமாக பயன்படுத்தி இருக்கும் இளைய கம்பருக்கு ஒரு பெரிய வாழ்த்துக்களே சொல்லலாம்.

அடுத்து 


ஒத்தை பனை உச்சியில 
பச்சை கிளி பேசியத 
ஓடக்கர மூங்கில் மரம் 
ஊஞ்சல் போல ஆடியத
ஓரக்கண்ணால் நீ ரசிச்ச 
உன்ன தான் நான் ரசிச்சேன் 

 ஓரக்கண்ணால் நீ ரசிச்ச 
உன்ன தான் நான் ரசிச்சேன் 

கடின வார்த்தைகள் இல்லாமலே கவிதை பொழிந்திருக்கின்றார் கவிஞர்.

இயல்பாய் பேசக்கூடிய வார்த்தைகளை தொடுத்து பாமாலை தொடுத்திருக்கின்றார் இனிமை கவிஞர்.


ரெண்டு துண்டா வெட்டி வச்ச 
என் அமாவாசை மீசைல 
தூளி கட்ட விளையாட 
காத்திருக்கேன் வாடி புள்ள 

தாலி கொடி தந்துபுடு 
காத்திருக்கேன் வாக்கப்பட!

சில நேரங்களில் கேட்டால் சிரிப்பாகவும் இருக்கும், சில நேரங்களில் சிலிர்ப்பாகவும் இருக்கும் இந்த இடத்தில கேட்கும்போது ,....

மார்கழி மாசத்துல 
மூணாம் சாம வேளையில
என் நெனைப்பில் நீயிருந்த 
உன் நெனைப்பில் நானிருந்தேன் 
கோடாங்கி குறி சொன்னான் 
குங்குமம் உனக்குன்னான் 

கோடாங்கி குறி சொன்னான் 
என் குங்குமம் உனக்குன்னான்....

இந்த மென்மையான வரிகளில் தனது காதலையும் , உள்ளத்து ஆசையையும் ஒற்றை பாடலில் உணர்த்த முயன்று வெற்றியும் கண்டுள்ளார் இளைய கம்பர். மொத்தத்தில் சிரமமே இல்லாமல் அற்புதமாய் அன்றாடம் பேசும் சொற்களை கொண்டே இனிமை பாடலை வழங்கிய கவிஞர் அவர்களுக்கு என் நன்றிகள். கிராமத்து சிட்டுகளுக்கு நல்ல மெட்டு அமைத்து வரிகளை கொலை செய்யாமல் அதன் வடிவம் மாறாமல் அப்படியே நம்மிடம் வழங்கி இருப்பார் இசை அமைப்பாளர் தினா. அவருக்கும் என் நன்றிகள்!

அடுத்து இந்த பாடலின் ஒளி வடிவம் பார்த்தேன் பாடலில் வரும் சொற்கள் சூழல் ஆகியவற்றில் முடிந்த வரை எடுத்திருக்கும் இயக்குனர் திரு. சஞ்சய் ராம் அவர்களுக்கும் என் நன்றிகள்! நடனத்தில் கொஞ்சம் கவனம் செலுத்திருக்கலாம் என்று தோன்றுகிறது!

தனது மென்மை குரலில் அதன் காட்சியை அப்படியே கண்ணுக்குள் கொண்டு வரவும், அதன் உணர்வை நமக்குள்ளும் செலுத்த உதவியிருப்பது சைந்தவி மற்றும் ஹரிஷ் ராகவேந்திரா இவர்களுக்கு என் நன்றிகள்!

நெடு நாட்களாக நான் ரசித்த பாடலை உங்களுடனும் பகிர்ந்துள்ளேன், உங்களுக்கு பிடித்திருந்தால் நீங்களும் இரசித்து மகிழுங்கள் நண்பர்களே! நன்றி!... 

 (நன்றி கூகுள் இணையம் யு டியுப்)

Tweet