சுமை கூடியதால்
வழக்கத்திற்கு மாறாக
புகை கக்கியபடி நகர்கிறது
நகரப்பேருந்து!
ஆங்கிலத்தில் உரையாடி
ஆர்ப்பாட்டமாய் கடக்கிறது
முகங்களை மூடிய
இளம்பெண்கள் கூட்டமொன்று!
குடித்த தேநீருக்கு
காசு கொடுக்காமல் சென்றவனை
வசை பாடிக்கொண்டே
பாலில் தண்ணீர் கலந்து
கொண்டிருந்தார் கடைக்காரர்!
விரைந்து வரும் வாகனங்களை
சில மணித்துளிகள்
ஆசுவாச படுத்த
நேரம் கொடுத்துக்கொண்டிருந்தார்
போக்குவரத்து காவலர்!
முகம் மறைத்த தாடியுடன்
எங்கேயோ பார்த்து
ஏதோ பேசிக்கொண்டிருந்தார்
ஒரு முதியவர்!
ஒடுங்கிய குரலில்
நான்கு வரிகள் பாட,
விழுந்த சில்லறைகளை
தடவி எண்ணினாள்
பார்வையிழந்த சிறுமி!
அவசரமாய் சென்ற ஆம்புலன்சில்
அடிபட்டு இறந்த
நாயை வட்டமிடுகின்றன
அதன் குட்டிகள் பசியுடன்!
உறுப்புகளை உருவகப்படுத்தும்
உடையணிந்த மங்கையை
மானபங்க படுத்திக்கொண்டிருந்தன
சில மன்மத பார்வைகள்!
கேட்டதும் வாங்கி கொடுக்கவில்லையென்று
முகத்தை இறுக்கமாய்
வைத்துக்கொண்டு வேறங்கோ
நோட்டமிட்டது,
தாயிடம் கோபித்துக்கொண்ட
குழந்தை!
இத்தனை நிகழ்வுகளையும்
வேடிக்கை பார்த்துக்கொண்டிருந்த
கடவுள்,
சற்றுமுன்
களவு போனாராம்!
| Tweet |
25 கருத்துரைகள்..:
சிறப்போ சிறப்பு! அன்றாடம் காணக்கிடைக்கும் காட்சிகளிலிருந்து அற்புதமான கவிதை படைத்த தங்களுக்கு பாராட்டுக்கள்!
ம்ம்ம் ...அழகிய காட்சிகள்
சொல்லிலும் பொருளிலும் யதார்த்தம் அருமை
கவிதை மூலம் காட்சிகள் விரிகின்றன.
அருமையாக முடித்தது சிறப்பு... வாழ்த்துக்கள்...
நன்றி...
tm2
காட்சிகளின் பதிவாய் கவிதை அருமை.
//இத்தனை நிகழ்வுகளையும்
வேடிக்கை பார்த்துக்கொண்டிருந்த
கடவுள்,
சற்றுமுன்
களவு போனாராம்!
//
இதான் கலக்கல்
அருமையான விவரணை நண்பரே...
சூப்பர் தல...! ஒரு சாலையில் பயணித்தது போன்ற உணர்வை ஏற்படுத்தியது கவிதை...!
கலக்கல்...!
வாழ்த்துகள் தல...!!!
- இப்படிக்கு அனீஷ் ஜெ...
கண்ணில் படுவதை நன்றாய் அவதானித்து அழகான கவிதையாகப் புனைந்திருக்கிறீர்கள். நன்று. மிக ரசித்தேன்.
கடவுள் களவு போனாரா கானாமல் போனாரா?
s suresh கூறியது...
சிறப்போ சிறப்பு! அன்றாடம் காணக்கிடைக்கும் காட்சிகளிலிருந்து அற்புதமான கவிதை படைத்த தங்களுக்கு பாராட்டுக்கள்!//
மிகுந்த நன்றிகள சார்
செய்தாலி கூறியது...
ம்ம்ம் ...அழகிய காட்சிகள்
சொல்லிலும் பொருளிலும் யதார்த்தம் அருமை//
உணர்ந்து படித்தமைக்கு என் நன்றிகள நண்பா
மாதேவி கூறியது...
கவிதை மூலம் காட்சிகள் விரிகின்றன.//
மிகுந்த நன்றிகள் மேடம்
திண்டுக்கல் தனபாலன் கூறியது...
அருமையாக முடித்தது சிறப்பு... வாழ்த்துக்கள்...
நன்றி...
tm2//
நன்றிங்க தனபாலன் சார்
முனைவர்.இரா.குணசீலன் கூறியது...
காட்சிகளின் பதிவாய் கவிதை அருமை.//
என் நன்றிகள் முனைவரே
Prem Kumar.s கூறியது...
//இத்தனை நிகழ்வுகளையும்
வேடிக்கை பார்த்துக்கொண்டிருந்த
கடவுள்,
சற்றுமுன்
களவு போனாராம்!
//
இதான் கலக்கல்//
ரொம்ப நேரம் யோசித்து எழுதிய முடிவு அன்பரே .. இதுதான் சரியாக இருக்கும் என்று நம்பினேன் ... என் நன்றிகள் அன்பரே
Tamilraja k கூறியது...
அருமையான விவரணை நண்பரே...//
மிகுந்த நன்றிகள் நண்பா
*anishj* கூறியது...
சூப்பர் தல...! ஒரு சாலையில் பயணித்தது போன்ற உணர்வை ஏற்படுத்தியது கவிதை...!
கலக்கல்...!
வாழ்த்துகள் தல...!!!//
வாங்க தல வணக்கம் , நெடு நாட்களாய் முயற்சித்து இன்றுதான் முடிக்க பெற்றது .. என் நன்றிகள் தல
பால கணேஷ் கூறியது...
கண்ணில் படுவதை நன்றாய் அவதானித்து அழகான கவிதையாகப் புனைந்திருக்கிறீர்கள். நன்று. மிக ரசித்தேன்.//
மிகுந்த நன்றிகள கணேஷ் சார் ...
Lakshmi கூறியது...
கடவுள் களவு போனாரா கானாமல் போனாரா?//
அது படித்து எடுத்துக்கொள்கிறவர்களின் மன நிலையை பொருத்ததுங்க அம்மா
யதார்த்தமான நிகழ்வுகளுக்கு கவிதைச் சுவையை ஏற்றி அருமையான படைப்பாக்கியுள்ளீர். வாழ்த்துகள்
உங்களுக்கு பிடித்த தளங்களை எளிதில் புக்மார்க் செய்யுங்கள் + உங்கள் தளத்திற்கு அதிக வாசகர்களை பெற,,, இணையுங்கள்,,,
http://otti.makkalsanthai.com/upcoming.php
பயன்படுத்தி பாருங்கள் தமிழ் உறவுகளே,, பிடித்திருந்தால் நமது நண்பர்களுக்கு தெரியபடுத்துங்கள்,,,,
தினசரி வாழ்க்கையில் நடக்கும் நிகழ்வுகளின் காட்சிகளை வலியுள்ள அழகான வரிகளில் பதிவாக்கியது சிறப்பு அண்ணே...
தொழிற்களம் குழு கூறியது...
உங்களுக்கு பிடித்த தளங்களை எளிதில் புக்மார்க் செய்யுங்கள் + உங்கள் தளத்திற்கு அதிக வாசகர்களை பெற,,, இணையுங்கள்,,,
http://otti.makkalsanthai.com/upcoming.php
பயன்படுத்தி பாருங்கள் தமிழ் உறவுகளே,, பிடித்திருந்தால் நமது நண்பர்களுக்கு தெரியபடுத்துங்கள்,,,,//
பயன் படுத்தி பார்கிறேன் தோழரே
Uzhavan Raja கூறியது...
தினசரி வாழ்க்கையில் நடக்கும் நிகழ்வுகளின் காட்சிகளை வலியுள்ள அழகான வரிகளில் பதிவாக்கியது சிறப்பு அண்ணே...//
நன்றி தம்பி
கருத்துரையிடுக