கதவிடுக்கு கண்கள்...

வெளிநாட்டிலிருந்த வந்திருந்த 

என்னை அழைத்து 

நலம் விசாரித்துக் கொண்டிருந்தார் 

உன் அப்பா!

உன்னை தேடிய என் கண்கள் 

கதவிடுக்கில் சிக்கிகொண்டன,

பின்புறம் நின்று கொண்டிருந்தாய்!

பிறகு 
கோயிலிலும், கொல்லைப்புறத்திலும் 

நான்கைந்து வார்த்தைகள் 

பேசியிருப்போம்! 

உள்ளத்து ஆசைகள் 

உன்னை சுழன்றாலும் 

வறுமை தொலைக்க 

வனவாசம் சென்றேன்!

மீண்டு வந்து காண்கையில் 

கனவுகளில் கல்லெறிந்த 

உன் அம்மா சொன்னாள் 

போன பங்குனியில தான் 

புள்ளைய கட்டிக்கொடுத்தொமென்று!

இருந்தும் கதவிடுக்கில் தேடும் 

கண்களை கட்டுப்படுத்த 

முடியவில்லை...

Tweet